طريقة تحضير كعب غزال شكلين مختلفين
مقادير العجين
750غ دقيق خاص بالحلويات
كاس صغير و وربع من الزبدة المذابة
القليل من ماء الزهر
قبصة ملح
ملعقة كبيرة من السكر گلاصي
ماء بارد لجمع العجين
مقادير العقدة
كيلو لوز مفسخ
300غ سكر سنيدة
نصف كاس صغير زبدة ذائبة
ربع كاس صغير ماء الزهر
القليل من المسكة الحرة المطحونة (اختيارية)
راس معلقة صغيرة قرفة
طريقة التحضير
نخلطو جميع مكونات العجين و نضيف الماء حسب الحاجة و ندلك جيدا للحصول على عجينة لينة نقسمها الى كويرات نغلفو كل قطعة بالبلاستيك الغدائي ثم نتركها لترتاح نصف ساعة
بالنسبة للحشوة نطحن اللوز مع السكر جيدا ثم نضيف باقي المقادير و نخلط الكل جيدا حتى نحصلو على عقدة رطبة من بعد كنشكلوها حرابل متوسطين وكنغطيوهم بالبلاستيك الغذائي باش مينشفوش لينا
من بعد كنطلقو العجين يكون رقيق جدا وكنشكلو الكعبة كما في الصورة وكنزينوه بورود من نفس العجين اللي كنضفولو القليل من بودرة الككاو او كنقشوه (التزيين كيبقى حسب الذوق ) من بعد كنستفوه فلاطة مفرشة بورق الزبدة وكنخليواه يبات ليلة كاملة وقبل منطيبوه كنتقبوه بالابرة من الاسفل باش ميتنفخش لينا اثناء الطهي وكندخلوه يطيب في فرن متوسط الحرارة مدة 20 دقيقة حسب كل فرن المهم منخليواهش يتحمر بزاف فقط غير نحسو بيه نشف صافي نخرجوه ونخليواه يبرد ونقدموه
"بالصحة والراحة"